17.12.2018.
Na inicijativu Učeničkog parlamenta naše škole, organizovana je humanitarna akcija u prikupljanju novčanih sredstava za pomoć Narodnoj kuhinji. Narodna kuhinja u Baru osnovana je od strane nevladinog udruženja “Žene Bara“, 5. novembra 2018.god. Volonterke te humanitarne organizacije svakodnevno pripremaju obroke za materijalno najugroženije građane, ali i za sve druge za koje procijene da nemaju osnovnih sredstava za život. U akciji pomoći učestvovali su i učenici i nastavnici škole. Učenice: Milica Popović, Amina Agović, Belma Bahović i Selma Latić za skromna prikupljena novčana sredstva kupili su određene prehrambene proizvode i uručili ih Narodnoj kuhinji. Kao zahvalnost za donaciju učenici koji su uručili poklone dobili su knjigu “Niti“ nase sugrađanke, poznate humanistkinje Ljiljane Vujović.
Nadamo se da će se i ubuduće organizovati ovakve akcije, gdje će se humanost iskazati tamo gdje je i najpotrebnija.
Zahvaljujemo se još jednom nastavnicima i učenicima na učešću u ovoj plemenitoj akciji.
